طريقة تحضير السويسرول بلكريمه ولفروله .

السويسرول وصفتها كالتالي:

للنقشات: بياض بيضة واحدة 30 غم سكر 40 غم طحين 20 غم زبدة لون لتلوينها بالزهري نخلط البياض مع السكر والطحين وبعدين الزبدة و بعدين بنلونهم وبنرسمهم على ورق الزبدة المحطوط بصينية الخبز بالشكل اللي بدنا اياه و بنحط الصينية بالفريزر عشان يتجمد النقشات ،

للكيك: 4 بيضات مفصول الصفار عن البياض ملعقة صغيرة كريم تارتار ممكن تستغني عنه او تستبدليه بعصير الليمون نص كوب سكر وملعقة طعام سكر 60 غرام زبدة مذوبة نص كوب طحين وربع كوب كاكاو
نخفق البياض ونضيف كريم التارتار ونستمر بالخفق نضيف نص كمية السكر و نستمر بالخفق ونضيف الفانيلا لحد ما يصير يعمل قمم بعدين في وعاء تاني نخفق الصفار مع باقي السكر ومش شرط بالماكينة عادي خفق بالوسك اليدوي مع قليل من الفانيلا بعدين بنضيف البياض المخفوق و بنقلب لحد ما يمتزج و بعدين نضيف نص كمية الزبدة و نص كمية الطحين والكاكاو (افضل ننخلهم مع بعض) بعدين نمزج لحد ما يمتزجو ونضيف باقي الزبدة و باقي الطحين والكاكاو ونخلط لحد ما يمتزجو نخرج الصينية المجهزة بالنقشة من الفريزر و نضيف الخليط و نفرده على كل الصينية نخبزه بفرن محمى مسبقا لدرجة 180 درجة لحد ما يستوي وما نبالغ بطبخه عشان ما يكسر واحنا بنلفه بعد ما يستوي بنحشيه بكريمة او غاناش شوكولاته بيضة حسب الرغبة انا استخدمت كريمة وفراولة ولفيتها زي الصورة برديها كويس و صحتين وعافية .