طريقة عمل جاتو السيراميك

جاتو الشيكولا

المقادير :

5 بيضات

واحد كوب سكر

فانيلا

ربع كوب زيت

كوب لبن رايب اوكوب زبادى ندوب فيه معلقه نسكافيه

واحد وربع كوب دقيق ومعلقه بيكنج بودر وربع معلقه بيكربونات صودا و2 معلقه كبيره كاكاو خام ننخلهم مع بعض 3 مرات

الطريقه :

حنخفق البيض مع السكر يخفق كويس جدا لحد ما ينفش ويكون لونه فاتح ننزل بالزيت وخفقه خفيفه وننزل الرايب ونخفق خفقه خفيفه

ونشيل المضرب ونكمل بالسباتيولا المعلقه البلاستيك العريضه نضيف الدقيق على 3 مرات ونقلب من تحت لفوق براحة خالص خالص عشان ماتخرجيش الهوا لحد ما يختفى الدقيق وفضى الخليط فى صينيه مستطيله مدهونه زبده ومتبطنه بالدقيق كويس وتخبز فى فرن ساخن مسبقاً متوسط الحراره على الرف الوسط

وتطلع من الفرن نشيلها على شبك ونسبها تبرد خالص ويستحسن نحطها قبل التزيين فالتلاجه ساعتين

التزيين 

نخفق كريمه عادى خالص وظبطى سكرها وفى طبق بخلط علبة قشطه على 3معالق نيوتلا واضيفهم للكريمه واقلب بمعلقه براحة لحد ما يختلط وابدأ احشى الكيك و واغلف سطح الكيك واساوى الكريمه كويس وزينتها بخطوط شيكولا سايحه وعملت الرسمه بطرف السكين وطبعا ليكى حرية الاختيار فالتزيين وتبداى تقطعى الجاتو حسب الحجم اللى أنتى تفضليه

صحة ووهنا